ribault

Ribault, m. acut. Signifie ores un homme de meschante et scelerate vie en insults, violences et forfaits, et ainsi en use l'Italien disant Rubaldo, ò Ribaldo scelerato, scelestus, nefarius, Et d'une telle espece d'homme quand il est corsu et membru, nous disons voila un puissant Ribauld, Qualem olim Cacum fuisse Liuius refert, Et en ceste signification il peut estre tiré de ce verbe Grec {{t=g}}rhipidzô,{{/t}} qui signifie agiter, vexer par violence, signifiant {{t=g}}rhipas{{/t}} et {{t=g}}rhipê{{/t}} un estourbillon de vent furieux, un effort à pousser, un lancement de sagette, ainsi que de la fouldre. Et ores a une signification retranchée pour un putier et bordelier, ainsi que au feminin Ribaulde est prins pour une paillarde de bordeau et femme commune, En l'ordonnance du Roy Sainct Louys, et que Marot en sa traduction du cinquantiesme Pseaume l'a prins, disant T'accompagnant de paillards et ribauds, et en ceste signification on le peut tirer de {{t=g}}rhupainô,{{/t}} aussi verbe Grec qui signifie entacher, souiller, et {{t=g}}rhupa{{/t}} souilleure, immondice. En l'une et l'autre desdites significations, ce mot sonne tousjours mal. Ceux qui estiment qu'il vient de ce mot Latin Riualis, s'abusent du tout.

Ribaulde, f. penac. Signifie en la femme non pas ce que Ribauld masculin en sa ditte plus generale signification, ains ce qu'il signifie en la ditte coarctée, et se prend pour une femme paillarde en bordeau, ou Canton, qu'on dit Cantoniere aussi, et commune, Quae corpore publice meret, ac quaestum facit.

Thresor de la langue françoyse. Jean Nicot.